भोटेकोसी नदीमा खसेको गाडी भेटियो

 काठमाडौं । सिन्धुपाल्चोकको बाह्रबिसे नगरपालिका–६ स्थित भोटेकोसी नदीमा खसेको गाडी भेटिएको छ।

क्रेनको सहयोगबाट खोज्नेक्रममा नदीमा खसेको गाडी फेला परेको जिल्ला प्रहरी कार्यालय सिन्धुपाल्चोकका एसपी सन्तोष खड्काले जानकारी दिए। नेपाल प्रहरी, सशस्त्र प्रहरी र नेपाली सेनाको टोलीले क्रेनको सहायताले उक्त बोलेरो नदीबाट बाहिर निकालेको हो ।

उक्त बोलेरा कहाँबाट कता गएको, कसले चलाएको, गाडीको को–को सवार थिए भन्ने विषयहरु खुल्न बाँकी नै रहेको एसपी खड्काले बताए ।